Tōku Māpihi Maurea Kura Kaupapa Māori

"Kia eke ai te tamaiti ki tōna taumata"

07 856 8266 137 Silverdale Rd, Silverdale Hamilton. Contact Us

He Mihi

home

"E whai whakaaro ana i te tuatahi ki te Kīngi, a Tūheitia, e noho mai ra i runga i te Ahurewa tapu o ōna mātua tūpuna. E tautoko ana i te īnoi e paoho ra i ngā wā katoa kia whakatauhia e te Runga Rawa ana manaakitanga ki runga ki a ia, tae atu hoki ki tana whānau me te kāhui Ariki whānui.

E whai whakaaro ana hoki ki te hunga mate e pīkau nei tātou katoa i roto i ō tātou hinengaro, i ō tātou ngākau, i ō tātou whatumanawa. Nō rātou anō hoki ō tātou pūmanawa, ā tātou pūmahara. Ko te tuakiri o te tangata nā rātou, ko te wairua o te tangata, i ahu mai i a rātou, ā, mea rawa ake, ka hoki anō ki a rātou. Heoi, ko tātou e noho nei hei urupā mo rātou, tātou ki a tātou, ko rātou ki a rātou.

Na reira, e te hunga mātakitaki mai, nau mai haere mai, nau mai piki mai ki tēnei kura o tātou i te riu o Waikato e tū atu nei. He piko he taniwha, he piko, he taniwha, Waikato taniwha rau!

Te āhua o te akonga ka puta

  • Kia ngākau mahaki
  • Arohaina te reo
  • Kia tū rangatira
  • Kia tū pakari, hei raukura mō tōna iwi.
  • Kia tupu tonu te mīharo ki tēnei mea te ako.

Ngā Uara

  • Aroha
  • Pono me te Tika
  • Whakaute
  • Whanaungatanga
  • Manawaroa
toku

Ngā Hononga

Waikato - Tainui
Te Kōhanga Reo o Ngā Kuaka
Te Kōhanga Reo o Tōku Māpihi Maurea
Ngā Taiatea Wharekura
Tainui Kura Kāhui Ako